Esta nova entrega da Biblioteca do CIFEX, como outros volumes anteriores da colección, incorpora achegas en linguas diferentes, neste caso castelán e portugués, derivadas da colaboración internacional do Centro compostelán con outras sensibilidades, proxectos e centros de investigación. A temática destas páxinas afonda de modo pormenorizado na cuestión da violencia, se cabe, extrema que sofren as mulleres en función do xénero, un terreo que ocupa desde hai moitos anos un lugar destacado do labor investigador desenvolto no CIFEX.