Tipicamente, dentro da maioría titulacións de Enxeñería, a porcentaxe de materias ou partes das mesmas de natureza experimental é elevada. Esta tradición que ven de lonxe, segue a ser totalmente necesaria, se cadra con máis forza hoxe en día. As disciplinas como a Mecánica de Fluídos, non poden esquecer o traballo de laboratorio, de cara a validar de forma experimental e mediante a visualización, os resultados obtidos de forma teórica na aula. O coñecemento experimental aporta ao alumnado unha visión real e intuitiva dos conceptos físicos, que é imprescindible para poder analizar dun xeito crítico os coñecementos teóricos. Deste xeito, os conceptos teóricos aséntanse en base á experimentación e sustentan un aprendizaxe estable e duradeiro. Citando a Confucio: "Contáronmo e esquecino, o vin e o entendín, fíxeno e aprendino". Preténdese que este manual sexa empregado como referencia para realización das prácticas de laboratorio polo alumnado de Mecánica de Fluídos, de segundo curso das titulacións de Grado en Enxeñería Mecánica, Grado en Enxeñería en Tecnoloxías Industriais, Grado en Enxeñería Química Industrial, Grado en Enxeñería Electrónica Industrial e Automática, Grado en Organización Industrial, Grado en Enxeñería Eléctrica, Grao en Enxeñería da Enerxía, Grao en Enxeñería dos Recursos Mineiros e Enerxéticos, e Grado en Enxeñería Aeroespacial. Extraído del prologo